ԱՄՆ իշխանությունները նոր պատժամիջոցներ են նախապատրաստում Ռուսաստանի դեմ

ԱՄՆ նախագահ Ջո Բայդենի վարչակազմը պատժամիջոցների նոր փաթեթ է պատրաստում Պետդումայի պատգամավորների դեմ՝ հաշվի առնելով Ուկրաինայի շուրջ ստեղծված իրավիճակը, երեքշաբթի գրել է The Wall Street Journal-ը, փոխանցում է ՏԱՍՍ-ը։ 

Ավելի քան 300 պատգամավոր կարող է հայտնվել ամերիկյան իշխանությունների կողմից մշակված սահմանափակումների տակ։ Նշվում է, որ նոր սահմանափակող միջոցները կհայտարարվեն հինգշաբթի օրը։

Ավելի վաղ ԱՄՆ նախագահի ազգային անվտանգության հարցերով օգնական Ջեյք Սալիվանը հայտարարել էր, որ ԱՄՆ-ն և Եվրամիությունը լրացուցիչ պատժամիջոցներ կսահմանեն Ռուսաստանի Դաշնության դեմ և կխստացնեն գոյություն ունեցողները Բայդենի՝ Բրյուսել կատարելիք այցից հետո։