«Իռլանդացի եմ, բայց հիմար չեմ»․ Բայդեն
ԱՄՆ նախագահ Ջո Բայդենը, ելույթ ունենալով սուրբ Պատրիկի օրվա (օրը հիշատակում է սուրբ Պատրիկին և քրիստոնեության մուտքը Իռլանդիա) կապակցությամբ Սպիտակ տանը կազմակերպված միջոցառմանը, անդրադարձ է կատարել իր իռլանդական արմատներին, փոխանցում է irishmirror.ie կայքը։
Բայդենը, որի նախապապերից մեկն իռլանդացի է, իր խոսքում ասել է, որ թեև իռլանդացի է, բայց հիմար չէ: Աղբյուրը նկատում է, որ ԱՄՆ նախագահի թույլ տված արտահայտությունն անհաջող է՝ հատկապես իռլանդացիների համար նման կարևոր օրվա համատեքստում:
«Ցանկանում եմ՝ իմանաք, որ ես իռլանդացի եմ, բայց հիմար չեմ»,-ասել է նա հավաքվածներին ու ծիծաղել:
