Կադիրովը խոսել է «հարյուր հազարավոր երիտասարդների» մասին, ովքեր ցանկանում են մեկնել Ուկրաինա
Չեչնիայում հարյուր հազարավոր երիտասարդներ միանում են «Մենք ռեզերվ ենք» հայրենասիրական ակցիային և ցանկանում են համալրել կամավորների շարքերը Ուկրաինայում հատուկ գործողության ժամանակ, ասել է հանրապետության ղեկավար Ռամզան Կադիրովը, փոխանցում է Ռիա Նովոստին։
«Անկեղծորեն ուրախ եմ, որ «Մենք ռեզերվ ենք» հանրապետական հայրենասիրական ակցիային միանում են ոչ միայն ուժային կառույցների աշխատակիցները, այլև հարյուր հազարավոր երիտասարդներ, ովքեր ցանկանում են համալրել կամավորների շարքերը։ Գնահատում եմ մեր ժողովրդի համերաշխությունը, նրանց անվախությունն ու խիզախությունը ցանկացած սպառնալիքի առաջ»,- գրել է Կադիրովը Telegram-ի իր ալիքում։,
Չեչնիայում փետրվարի վերջին մեկնարկել է «Մենք ռեզերվ ենք» ֆլեշմոբը՝ ի աջակցություն Ուկրաինայում հատուկ գործողության մասնակցող իրավապահների։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:
