Մեծ Բրիտանիայում իշխանությունները նախատեսում են Ուկրաինայից փախստականներին տեղավորել ռուս օլիգարխների առգրավված առանձնատներում։ Այս մասին հայտնում է The Times-ը։

Մեծ Բրիտանիայի փոխվարչապետ Դոմինիկ Ռաաբը հայտարարել է, որ Մեծ Բրիտանիայի կառավարությունը կարող է բռնագրավել Լոնդոնում գտնվող օլիգարխների առանձնատները և օգտագործել դրանք ուկրաինացի փախստականներին տեղավորելու համար:

Կառավարությունը «շատ շուտով» կառաջարկի՝ արգելել օլիգարխներին վարձել թանկարժեք իրավաբանական ընկերություններ՝ իրենց հարստությունը պաշտպանելու համար, ասել է նա։

Բացի այդ, նշվում է, որ ռուս հայտնի գործարարներ Ալիշեր Ուսմանովի և Իգոր Շուվալովի ակտիվները սառեցվելու են, և նրանք չեն կարողանա ճամփորդել Մեծ Բրիտանիայում։