ՏԵՍԱՆՅՈՒԹ. Նա չի կարող չհասկանալ, որ երրորդ համաշխարհային պատերազմը կարող է լինել միայն միջուկային.Լավրովը՝ Բայդենի հայտարարության մասին
Լավրովը Al Jazeera-ին տված հարցազրույցում մեկնաբանել է ԱՄՆ նախագայ Ջո Բայդենի խոսքերը երրորդ համաշխարհային պատերազմի մասին, գրում է RT-ն:
«Եթե մարդը, երբ նրան հարցնում են, թե կարող էր լինել որևէ այլ բան, քան պատժամիջոցների այս ալիքը, ասում է, որ միայն երրորդ համաշխարհային պատերազմը կարող էր այլընտրանք լինել, ապա նա չի կարող չհասկանալ, որ երրորդ համաշխարհային պատերազմը կարող է լինել միայն միջուկային:
Հավանաբար, հին բնազդները դեռ կենդանի են մեր արևմտյան գործընկերների մտքերում, եթե նրանք թույլ տան նման հնարավորություն՝ չնայած Անվտանգության խորհրդի բոլոր հինգ մշտական անդամների հրապարակայնորեն հաստատված դիրքորոշմանը»,- ասել է Լավրովը:
