Բայդենը՝ ռուս օլիգարխներին և կոռումպացված առաջնորդներին. մենք գալիս ենք ձեր հարստության հետևից
ԱՄՆ նախագաահ Ջո Բայդենը դիմել է ռուսաստանցի օլիգարխներին և կոռումպացված առաջնորդներին՝ հայտնելով, որ «իրենք գալիս են վերջիններիս ունեցվածքի հետևից:
«Այսօր ես ասում եմ ռուս օլիգարխներին և կոռումպացված առաջնորդներին, ովքեր միլիոնավոր դոլարներ են ստացել իշխանություններից, այլևս այսպես չի լինի, Արդարադատության նախարարությունը հատուկ խումբ է հավաքում ռուս օլիգարխների հանցագործությունները հետաքննելու համար։
Մենք միավորում ենք ուժերը մեր եվրոպացի դաշնակիցների հետ՝ վերադարձնելու համար ձեր զբոսանավերը, ձեր շքեղ բնակության վայրերը, ձեր անձնական ինքնաթիռները: Մենք գալիս ենք ձեր ապօրինի ձեռք բերած հարստության համար»,- ասել է Բայդենը: