Զելենսկին համընդհանուր մոբիլիզացիայի մասին նախագիծ է ներկայացրել gերագույն Ռադա
Ուկրաինայի նախագահ Վլադիմիր Զելենսկին համընդհանուր մոբիլիզացիայի մասին օրենքի նախագիծ է ներկայացրել Ռադային։ Այս մասին հայտնում է ТАСС-ը՝ հղում անելով Ուկրաինայի խորհրդարանի կայքին։
«Գերագույն ռադա է ներկայացվել Ուկրաինայի նախագահի՝ ընդհանուր մոբիլիզացիայի մասին հրամանագիրը հաստատելու մասին օրենքի նախագիծը»,- ասված է հաղորդագրությունում։
Հինգշաբթի առավոտյան ՌԴ նախագահ Վլադիմիր Պուտինը հայտարարեց, որ որոշում է կայացրել Ուկրաինայի դեմ հատուկ ռազմական գործողության մասին։ Ռուսներին ուղղված հեռուստաուղերձում նա ասել է, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
