Միացյալ Նահանգները պատժամիջոցներ է սահմանել «Северный поток — 2»-ը շահագործող ընկերության դեմ
ԱՄՆ նախագահ Ջո Բայդենը հայտարարել է «Северный поток — 2» գազատարի շահագործող Nord Stream 2 AG-ի և նշված ընկերության ղեկավարության դեմ պատժամիջոցների կիրառման մասին։ Այս մասին հայտնում է Սպիտակ տան կայքը։
«Այսօր ես հանձնարարել եմ իմ վարչակազմին պատժամիջոցներ կիրառել Nord Stream 2 AG-ի և այս կազմակերպության պաշտոնյաների դեմ»,- ասվում է հայտարարության մեջ։
Բայդենի խոսքով՝ «նախագահ Պուտինը իր գործողություններով աշխարհին անդիմադրելի խթան է տվել հրաժարվելու ռուսական գազից»։ Նա հավելել է, որ Վաշինգտոնը չի վարանի որոշում կայացնել պատժամիջոցների հարցում հետագա էսկալացիայի դեպքում:
