Բլինկենը չեղարկել է Լավրովի հետ հանդիպումը
ԱՄՆ պետքարտուղար Էնթոնի Բլինկենը հայտարարել է ՌԴ ԱԳ նախարար Սերգեյ Լավրովի հետ փետրվարի 24-ին նախատեսված հանդիպումը չեղարկելու մասին՝ կապված ԴԺՀ-ի և ԼԺՀ-ի ճանաչման հետ։ Այս մասին հայտնում է RT-ն:
«Անցյալ շաբաթ ես համաձայնեցի փետրվարի 24-ին հանդիպել Ռուսաստանի արտգործնախարար Սերգեյ Լավրովի հետ քննարկելու մեր երկրների համատեղ մտահոգությունները եվրոպական անվտանգության վերաբերյալ, բայց միայն պայմանով, որ Ռուսաստանը չներխուժի Ուկրաինա։ Քանի որ մենք տեսնում ենք, որ ներխուժումը սկսվել է, և Ռուսաստանը մերժում է դիվանագիտությունը, այդ հանդիպումն իմաստ չունի»,- ասել է Բլինկենը մամուլի ասուլիսի ժամանակ:
Բլինկենի և Լավրովի հանդիպումը նախատեսված էր փետրվարի 24-ին Ժնևում։
