ԱՄՆ-ի և ՆԱՏՕ-ի միջամտությունը չի օգնի ուկրաինային․ Իրանի ԱԳ նախարար
ԱՄՆ-ի և ՆԱՏՕ-ի մասնակցությունը ուկրաինական ճգնաժամին չի նպաստի դրա լուծմանը. Այս մասին չորեքշաբթի հայտարարել է Իրանի արտգործնախարար Հոսեյն Ամիր Աբդոլլահիանը։ Հաղորդում է ՏԱՍՍ-ը։
«Մենք դժգոհ ենք Ուկրաինայի շուրջ ստեղծված ճգնաժամից: Ցավոք, ԱՄՆ-ի և ՆԱՏՕ-ի ավերիչ գործողությունները տագնապալի են դարձրել իրավիճակը այս տարածաշրջանում»,- ԱԳ նախարարի խոսքերն է մեջբերում իրանական պետական հեռուստատեսությունը:
«ԱՄՆ-ի և ՆԱՏՕ-ի միջամտությունը չի օգնի լուծել Ռուսաստանի և Ուկրաինայի միջև ճգնաժամը»:
Նա նաև հավելել է, որ «Թեհրանը կոչ է անում խնդրի խաղաղ կարգավորման»։
