Թուրքիայի նախագահը չեղարկել է իր աֆրիկյան շրջագայությունը. ո՞րն է պատճառը
Թուրքիայի նախագահ Ռեջեփ Թայիփ Էրդողանը երեքշաբթի չեղարկել է իր աֆրիկյան շրջագայությունը ՆԱՏՕ-ի առաջնորդների գագաթնաժողովին մասնակցելու նպատակով, որը տեղի կունենա չորեքշաբթի օրը՝ տեսակապի միջոցով։ Այս մասին ՏԱՍՍ-ին հայտնել է Թուրքիայի ղեկավարի գրասենյակը։
«Մեր նախագահը վաղը կմասնակցի ՆԱՏՕ-ի առաջնորդների գագաթնաժողովին, որը կանցկացվի առցանց: Այդ իսկ պատճառով այցը Գվինեա-Բիսաու, որը նրա աֆրիկյան շրջագայության երրորդ կանգառն է, հետաձգվել է ավելի ուշ»,- նշել է գործակալության աղբյուրը:
Սպասվում է, որ Էրդողանը և նրա գլխավորած պատվիրակությունը Թուրքիա կվերադառնա երեքշաբթի երեկոյան՝ Սենեգալ այցելելուց հետո։
