ՏԵՍԱՆՅՈՒԹ. Վաղուց ուշացած որոշում. Պուտինը ստորագրում է Դոնեցկի և Լուգանսկի անկախության ճանաչման հրամանագրերը
Ինչպես արդեն հայտնել էինք, ՌԴ նախագահ Վլադիմիր Պուտինը հայտարարել է Դոնեցկի և Լուգանսկի հանրապետությունների անկախության ճանաչման մասին:
Ռուսաստանի Դաշնության նախագահը հրամանագիր է ստորագրել Դոնբասի հանրապետությունները ճանաչելու մասին։ Արարողությունը տեղի է ունեցել Կրեմլում։
«Անհրաժեշտ եմ համարում ԴԺՀ-ի և ԼԺՀ-ի անկախությունը անհապաղ ճանաչելու վաղուց ուշացած որոշում կայացնել»,- ասել է պետության ղեկավարը ռուսներին ուղղված հեռուստաուղերձում:
Ի հավելումն անկախության ճանաչման հրամանագրի, Պուտինը, ինչպես նաև Կրեմլում ներկա գտնվող Դոնեցկի և Լուգանսկի ղեկավարներ Պուշիլինը և Պասեչնիկը ստորագրել են Ռուսաստանի Դաշնության և Դոնբասի հանրապետությունների միջև բարեկամության, համագործակցության և աջակցության մասին պայմանագրեր:
«Շնորհավորում եմ»,- ասել է ՌԴ նախագահը Պասեչնիկին և Պուշիլինին։
Պուտինը դիմել է ժողովրդին ՌԴ Անվտանգության խորհրդի նիստից մի քանի ժամ անց, որտեղ քննարկվել է Դոնեցկի և Լուգանսկի ղեկավարների դիմումը Մոսկվային՝ հանրապետությունների անկախությունը ճանաչելու խնդրանքով։
