Ամերիկացի հայտնի գործարար և հայազգի հեռուստաաստղ Քիմ Քարդաշյանն ու նրա նախկին ամուսինը՝ ռեփեր Քանյե Ուեսթը, բանավոր «մենամարտ» են ունեցել Instagram-ում։ Կոնֆլիկտը ծագել է այն պատճառով, որ Քարդաշյանի և Ուեսթ Նորթի ավագ դուստրն առանց հոր թույլտվության մուտք ունի TikTok։ Այս իրավիճակը ցավ է պատճառել ռեփերին, և նա դրա համար մեղադրել է Քարդաշյանին։ Քիմն իր հերթին չի լռել և հրապարակել է մի գրառում, որտեղ նախկին ամուսնուն մեղադրել է մշտական ​​հարձակումների մեջ։

«Քանյեի մշտական ​​հարձակումներն ինձ վրա հարցազրույցներում և սոցիալական ցանցերում ավելի շատ վնաս են պատճառում, քան Նորթի Tiktok-ի ցանկացած տեսանյութ: Որպես ծնող, ով մեր երեխաների հիմնական կերակրողն ու խնամակալն է, ես անում եմ հնարավոր ամեն ինչ մեր դստերը պաշտպանելու համար»,- ասել է Քիմը։

Քարդաշյանը հայտարարել է, որ թույլ է տալիս երեխային արտահայտել իր ստեղծագործական կարողությունները այն միջավայրում, որտեղ ինքը ցանկանում է՝ մեծերի հսկողության ներքո, ինչպես դա իրեն դուր է գալիս։ Ի պատասխան՝ Քանյեն ասել է, որ նախկին կինը իրեն մեղադրել է գողության մեջ, ինչպես նաև սահմանափակել է երեխաների հետ շփվելը։ Ուեսթի խոսքով՝ Քարդաշյանն իրեն ստիպել է թմրանյութերի թեստ անցնել։