«Մահացել է Մոնիկա Վիտին, ցտեսություն իտալական կինոյի թագուհի»․ Դարիո Ֆրանչեսչինի
«Ցտեսություն Մոնիկա Վիտի, ցտեսություն իտալական կինոյի թագուհի: Այսօր իսկապես տխուր օր է, մենք կորցրեցինք մեծ արտիստի և մեծ իտալացու», - ասվում է մշակույթի նախարար Դարիո Ֆրանչեսչինիի հայտարարության մեջ: Վիտին միջազգային համբավ ձեռք բերեց 1960 թվականի «L'Avventura» («Արկածը») դրամայով, որտեղ նա մարմնավորում է տանջված կնոջ, որը շփվում էր իր կորած ընկերոջ սիրեկանի հետ:
1931 թվականի նոյեմբերի 3-ին Հռոմում ծնված Վիտտին, ում իսկական անունը Մարիա Լուիզա Չեչիարելի էր, բացահայտեց իր կիրքը թատրոնի նկատմամբ Երկրորդ համաշխարհային պատերազմի ժամանակ, երբ իր ընտանիքին զվարճացրեց տիկնիկներով՝ ձանձրույթից ազատվելու համար: «Երբ ռումբերն ընկան, երբ մենք ստիպված էինք ապաստան գտնել, ես և իմ փոքր եղբայրը փոքրիկ բեմադրություններ էինք պատրաստում՝ մեր շրջապատին զվարճացնելու համար», - պատմում էր նա տարիներ անց:
1953 թվականին Հռոմի դրամատիկական արվեստի ազգային ակադեմիան ավարտելուց հետո նա սկսեց իր կարիերան թատրոնում, որտեղ աչքի էր ընկնում իր կատակերգական տաղանդով։ Նրան նկատեց Անտոնիոնին, ում հետ նա արագ զարգացրեց գեղարվեստական և սենտիմենտալ հարաբերություններ:
«Ինձ բախտ է վիճակվել սկսել իմ կարիերան մեծ տաղանդի տեր մարդու հետ», բայց նա նաև «հոգևոր էր, կյանքով և եռանդով լի», - ասել է Վիտին 1982 թվականին իտալական հեռուստատեսությանը տված հարցազրույցում։ Իտալիայի մշակույթի նախկին նախարար Վալտեր Վելտրոնին թվիթով հայտնել է Վիտիի մահվան լուրը։ Նա ասել է, որ դա իրեն խնդրել է Ռոբերտո Ռուսոն՝ Վիտիի ամուսինը, և արտահայտել է իր « ջերմությունը և ափսոսանքը»։ Ծանր հիվանդությամբ տառապող դերասանուհին վերջին տարիներին դուրս էր եկել հասարակական կյանքից։
