Վրաստանի վարչապետը կրկին վարակվել է կորոնավիրուսով
Վրաստանի վարչապետ Իրակլի Ղարիբաշվիլին վարակվել է կորոնավիրուսի «օմիկրոն» շտամով: Ինչպես հայտնում են երկրի կառավարության մամուլի ծառայությունից՝ Ղարիբաշվիլիի մոտ կորոնավիրուս է հաստատվել:
Նշվում է, որ պաշտոնյան շարունակելու է աշխատել հեռահար ռեժիմով։
«Կառավարության ղեկավարն իրեն լավ է զգում», – գրված է հաղորդագրությունում:
Նշենք, որ Վրաստանի վարչապետն առաջին անգամ կորոնավիրուսով վարակվել էր 2021 թվականի ապրիլին, իսկ սեպտեմբերին Ղարիբաշվիլին պատվաստվել էր կորոնավիրուսի դեմ։
