Մբապեն պայմանագիր է կնքել Ռեալի հետ
Ֆրանսիայի հավաքականի և ՊՍԺ-ի հարձակվող Կիլիան Մբապեն հաջորդ ամառ կմիանա Մադրիդի «Ռեալին», հայտնում է BILD-ը:
Աղբյուրի համաձայն՝ գործարքը 100%-ով փակված է, և ֆրանսիացին արդեն պայմանագիր է կնքել արքայական ակումբի հետ, որպեսզի ամռանը Մադրիդ տեղափոխվի անվճար՝ ՊՍԺ-ի հետ պայմանագրի ավարտից հետո:
Նշվում է, որ Մբապեի աշխատավարձը մադրիդյան ակումբում կկազմի 50 միլիոն եվրո մեկ մրցաշրջանում՝ առանց հարկեր վճարելու, ինչը նշանակում է, որ նա կստանա «մաքուր» 25 միլիոն եվրո։
Մադրիդի «Ռեալը» և ՊՍԺ-ն ցանկանում են սպասել մինչև Չեմպիոնների լիգայում թիմերի միջև դիմակայության ավարտը, որպեսզի պաշտոնապես հայտարարեն Մբապեի՝ «Ռեալ» տեղափոխվելու մասին:
