Ալիևը կրկին վիրավորել է Սերժ Սարգսյանին և Ռոբերտ Քոչարյանին

 Երեկ` հունվարի 30-ին, Ադրբեջանի նախագահ Իլհամ Ալիևը Գյանջա կատարած այցի ժամանակ հարցազրույց է տվել AZERTAC-ին` երկրի պետական լրատվական գործակալությանը: Այս մասին տեղեկանում ենք ադրբեջանական լրատվականներից: Հարցազրույցում  նա անդրադարձել է նաև Հայաստանի նախագահներ Սերժ Սարգսյանին և Ռոբերտ Քոչարյանին` մասնավորապես ասելով.

«Կարող եմ ասել, որ հայ ֆաշիստները հիմա այնքան ակտիվ չեն, որքան նախորդ տարիներին, բայց մենք տեսնում ենք, որ ֆաշիզմը Հայաստանում գլուխ է բարձրացնում, Հայաստանի նախկին ֆաշիստ ղեկավարները գլուխները բարձրացնում են ու նորից փորձում զենք ճոճել: Մենք «հաղթեցինք նրանց, ծնկի բերեցինք։ Հայ ժողովրդի պատմության մեջ Սերժիկ Սարգսյանն ու Ռոբերտ Քոչարյանը դասալիքներ են մնալու, որովհետև երբ ադրբեջանական բանակը մոտեցավ Շուշային (Շուշիին), նրանք վախկոտ նապաստակների պես փախան Խանքենդիից (Ստեփանակերտից)»,- ասել է Ալիևը:

[56d26e882c4cb6a2023d745e84fa5a0d.PNG]