Ղազախստանի նախագահն ասել է, թե ինչու էին ահաբեկիչներն Ալմաթիում

Հունվարյան անկարգությունների ժամանակ ահաբեկիչներն Ալմաթիում շահագրգռված էին գրոհել կառավարական շենքերը, որ առգրավեն քրեական գործերի նյութերը և իրավապահ մարմինների աշխատակիցների անձնական տվյալները։ Այս մասին ասել է Ղազախստանի նախագահ Կասիմ-Ժոմարտ Տոկաևը։ 

«Այդ մարդկանց, բնականաբար, նյութական արժեքները չէին հետաքրքրում։ Նրանք ղեկավարել են վարչական շենքերի վրա հարձակումները, հետաքրքրվել քրեական գործերով։ Դա մանրակրկիտ ծրագրված գործողություն էր, ըստ էության ահաբեկչական` դրսից գրոհայինների ներգրավմամբ»,-հարցազրույցի ժամանակ ասել է Տոկաևը։ 

Հիշեցնենք, որ հունվարի սկզբին Ղազախստանում բողոքի ակցիաներ էին իրականացվում հեղուկ գազի գնի թանկացման դեմ։ Բողոքի ակցիաները կարճ ժամանակում վերածվեցին մասշտաբային անկարգությունների։