Էրդողանը՝ լիրայի անկայունության մասին
Նախագահ Թայիփ Էրդողանն ասել է, որ գոհ է լիրայի անկայունության նվազումից՝ վստահեցնելով, որ կառավարությունն աշխատում է թուրքական արժույթի նկատմամբ հետաքրքրությունը մեծացնելու միջոցների վրա։
«Դանդաղ, աստիճանաբար եւ առանց շտապելու լիրան կաճի, տոկոսադրույքները նույն կերպ կնվազեն, եւ 2022 թվականը կլինի մեր ամենավառ տարին»,- ասել է նա, փոխանցում է թուրքական լրատվականը։
Այս ամիս լիրան կայունացել է անցյալ տարի դոլարի նկատմամբ 44 տոկոս անկումից հետո։ Գրինվիչի ժամանակով 12:03-ին այն 1 տոկոսով ավելի թույլ էր՝ 13.56 դոլարի նկատմամբ՝ փոքր-ինչ ընդլայնելով կորուստներն Էրդողանի հայտարարություններից հետո:
«Մենք շատ գոհ ենք փոխարժեքի անկայունության նվազումից։ Ֆինանսական շուկաներում կայունության պահպանման եւ լիրայի նկատմամբ հետաքրքրության մեծացմանն ուղղված մեր լրացուցիչ աշխատանքը շարունակվում է»,-ասել է նա։
«Ես այն կարծիքին եմ, որ տոկոսադրույքներն են պատճառը, իսկ գնաճը՝ հետեւանք։ Այս արդյունքն իսկապես իրեն զգացնել է տալիս. գնաճն անկման եզրին է»,- ասել է Էրդողանը` կրկնելով իր ոչ ավանդական տեսակետը տոկոսադրույքների եւ գնաճի միջեւ կապի վերաբերյալ:
Սակայն անցած ամիս տարեկան գնաճն աճել էր մինչեւ 36.1 տոկոս, ինչն ամենաբարձրն է Էրդողանի իշխանության 19 տարվա ընթացքում: Տնտեսագետները կանխատեսում են, որ առաջին կիսամյակում գնաճը կհասնի 50 տոկոսի։ Գնաճի աճը պայմանավորված է լիրայի արժեզրկմամբ։ Արժույթի թուլությունն իր հերթին պայմանավորված էր այն նրանով, որ սեպտեմբերից Կենտրոնական բանկը նվազեցրեց տոկոսադրույքը 500 բազիսային կետով՝ մինչեւ 14 տոկոս։
Դեկտեմբերի 20-ին դոլարի նկատմամբ լիրայի փոխարժեքի ռեկորդային 18.4 անկումից հետո Էրդողանը հայտարարեց լիրային աջակցության սխեմայի մասին՝ լիրայի ավանդային հաշիվներ առաջարկելով, որոնք կփոխհատուցեն ավանդատուների` լիրայի հետագա թուլացման հետեւանքով առաջացած կորուստները:
