Թուրքիայում դատարանն արդարացրել է գերմանացի լրագրողուհուն. նա մեղադրվում էր ահաբեկիչներին աջակցելու մեջ

 Թուրքիայի դատարանն արդարացրել է գերմանացի լրագրողուհի Մեշալի Թոլուին, որին մեղադրում էին ահաբեկչությանը մասնակցելու մեջ։ Այս մասին Թոլուն գրել է Twitter-ի իր էջում, հաղորդորւմ է ՏԱՍՍ-ը։

«Վեց տարի, ութ ամիս և 20 օր հետո ինձ արդարացրել են բոլոր հոդվածներով։ Իրավական պետությունում նման դատական գործընթաց չպետք է լիներ։ Դատավճիռը չի կարող փոխհատուցել ճնշումներն ու բանտում անցկացրած ժամանակը», - գրել է նա։

Թոլուն ձերբակալվել էր 2017-ի ապրիլին՝ ահաբեկչության կազմակերպության ահաբեկիչներին աջակցելու կասկածանքով (ԱՄՆ-ում բնակվող իսլամական քարոզիչ Ֆեթուլլահ Գյուլենի հետեւորդներին)։ Անկարան կարծում է, որ Գյուլենի կողմնակիցները 2016 թվականին Թուրքիայում իրականացված պետական հեղաշրջման փորձի կազմակերպիչներն էին։

2017-ի դեկտեմբերին նա ազատ էր արձակվել երկրից չհեռանալու ստորագրությամբ, որից հետո լքել էր Թուրքիան և մեկնել Գերմանիա։

Թուրքիայում գերմանացի քաղաքացիների, առաջին հերթին լրագրողների եւ իրավապաշտպանների ձերբակալությունը անցյալում Անկարայի եւ Բեռլինի միջեւ հարաբերությունների սառեցման գործոններից մեկն էր։