Ադրբեջանում հայտարարել են` Ադրբեջանի և Հայաստանի միջև բանավոր պայմանավորվածություն է ձեռք բերվել
Բանավոր պայմանավորվածություն է ձեռք բերվել Ադրբեջանի և Հայաստանի միջև սահմանազատման հանձնաժողով ստեղծելու մասին, ադրբեջանական լրատվականների փոխանցմամբ՝ հայտարարել է ադրբեջանական Միջազգային հարաբերությունների վերլուծության կենտրոնի նախագահ Ֆարիդ Շաֆիևը:
«Կարծում եմ՝ այս տարի չենք կարողանա հասնել խաղաղության համաձայնագրի վերաբերյալ ընդհանուր փաստաթղթի ստորագրմանը: Հայաստանի բնակչության մեծ մասը քվեարկել է Նիկոլ Փաշինյանի օգտին, սակայն յուրաքանչյուր երրորդը նրան դեմ է: Սա հարկավոր է հաշվի առնել: Հայաստանում որոշ կառույցներ չեն աջակցում Փաշինյանի քաղաքականությանը»,- ասել է Շաֆիևը:
Թեև ադրբեջանից նման հայտարարություններ են տարածվում, հիշեցնենք, որ Փաշինյանը բազմիցս է հայտարարել և պնդել` Ադրբեջանի հետ անհրաժեշտ է օր առաջ սկսել սահմանազատման ու սահմանագծման աշխատանքները: Այս մասին հայտարարություններով է հանդես գալիս նաև ռուսական կողմը` նախագահ Պուտինի և ԱԳՆ-ի մակարդակներով:
