ՏԵՍԱՆՅՈՒԹ. Թաիլանդում կինը պայթեցրել է իր աշխատավայրը՝ նավթի պահեստը՝ ի նշան բողոքի
Թաիլանդում իր գործատուից դժգոհ աշխատակցուհին պայթեցրել է նավթի պահեստը՝ պատճառաբանելով, որ հոգնել է իր հասցեին հնչող անվերջ բողոքներից ու «իրեն պատճառված սթրեսից», գրում է Daily Mail֊ը:
Ենթադրվում է, որ 38-ամյա Անն Սրիան վառել է թղթի կտորը և նետել այն վառելիքի տարայի վրա, ինչի հետևանքով՝ նոյեմբերի 29-ին հրդեհ է բռնկվել Նախոն Պաթոմ նահանգում գտնվող Prapakorn նավթի պահեստում:
Կինը ձերբակալվել է և խոստովանել, որ հրկիզել է պահեստը՝ պնդելով, որ իրեն դրդել է այն սթրեսը, որն իրեն պատճառել է իր գործատու 65-ամյա Պիպատ Ունգպրապակորնը:
