ՏԵՍԱՆՅՈՒԹ. Մոսկվայում ձյան առատ տեղումներ են. նման քանակությամբ տեղումներ չեն եղել վերջին 70 տարում

Մոսկվայում այսօր՝ դեկտեմբերի 7-ի համար ռեկորդային ձյուն կարող է տեղալ: Այդպիսի ձյուն չի եղել 1949 թվականից ի վեր, այս մասին  ասել է Ֆոբոս օդերեւութաբանական կենտրոնի առաջատար աշխատակից Եվգենի Տիշկովեցը։

Նշենք, որ  Ռուսաստանում այսօր առավոտից տեղացած աննախադեպ քանակությամբ ձյունը լուրջ խցանումներ է առաջացրել: Yandex-ի խցանումների մոնիթորինգի համակարգը Մոսկվայի ճանապարհների ծանրաբեռնվածությունը գնահատում է 8 բալ։ Այս մասին գրում է TACC-ը: 

«Դեկտեմբերի 7-ին Մոսկվայում կտեղա հետպատերազմյան պատմության մեջ ամենաառատ ձյունը: 2021 թվականի դեկտեմբերի 7-ին մայրաքաղաքի տարածքում ձյուն կտեղա, որը չի եղել 1949 թվականից ի վեր: Իսկ գալիք  օրը կարող է կրկնել օրվա ռեկորդը տեղումների քանակով և նույնիսկ գերազանցել այն»,- գրել է Տիշկովեցն իր Instagram-ում։

Իրավիճակին արագ արձագանք են տվել երկրի Արտակարգ իրավիճակների նախարարությունից և առավոտից մոսոկվյան փողոցերում իրականացվում են ձնամաքրման աշխատանքներ: 
 

Ճանապարհներին զգալիորեն բարդ իրավիճակի ֆոնին Տրանսպորտի դեպարտամենտը կոչ է արել մոսկովյան վարորդներին այսօր թողնել իրենց անձնական մեքենաները տանը և օգտվել հասարակական տրանսպորտից՝ իրենց գործով այնտեղ հասնելու համար, ինչը զգալիորեն կնվազեցնի ճանապարհների ծանրաբեռնվածությունը և կօգնի բարելավել քաղաքի խցանումների հետ կապված ընդհանուր իրավիճակը: