Ադրբեջանը միջազգային հետախուզում է հայտարարել Իրանի քաղաքացու նկատմամբ

Ադրբեջանը միջազգային հետախուզում է հայտարարել Իրանի քաղաքացու նկատմամբ, որը մեղադրվում է սպանության և այլ հանցագործությունների համար:

Ինչպես հայտնում է Minval.az-ը, հետախուզման մասին տեղեկություն է հրապարակվել Ինտերպոլի կայքում:

«Իրանի Իսլամական Հանրապետության 43-ամյա քաղաքացի Հասան Ղարադղլոու Ռահբարին մեղադրվում է սպանության, մարդու առևանգման և այլ հանցավոր գործողությունների համար: Դիմում է ներկայացվել Ինտերպոլ՝ խնդրելով ներառել Իրանի քաղաքացուն «կարմիր տեղեկագրում»»,- ասվում է հաղորդագրության մեջ: