Ճանաչելով եղբորս՝ կարող եմ ասել, որ ինքն է իրեն պայթեցրել. Զոհված սպա Տարոն Սահակյանի եղբայր. «ՀԺ»
Արդեն հայտնել էինք, որ երեկ հատուկ չվերթով Բաքվից Երևան է բերվել զոհված սպա 31-ամյա Տարոն Սահակյանի մարմինը: Լրագրող Ոսկան Սարգսյանին Տարոնի հայրը՝ 1990-ականների մարտերի ակտիվ մասնակից, պահեստազորի մայոր Ջիվան Սահակյանը, հայտնել է, որ Տարոնի մարմինը խոշտանգված չի եղել, նա մարմնի վրա երկու հատ բեկորային վնասում կա։
Տարոն Սահակյանի եղբայր Ռոման Սահակյանն էլ «Հայկական ժամանակի» հետ զրույցում նշել է, որ փորձաքննությանը ներկա է եղել. «... իր վրա խոշտանգվածի հետք չկա: Մարմնազննությամբ միայն բեկորային վնասվածքներ են: Ճանաչելով եղբորս՝ կարող եմ ասել, որ ինքն է իրեն պայթեցրել: Նռնակի պայթյունի հետևանք է»,- ասել է Ռոմանը՝ հավելելով, որ Տարոնը զոհվել է Սիսիան-Ջերմուկ հատվածում:
