Նազելի Բաղդասարյանը նշանակվել է Շիրակի մարզպետ
ՀՀ վարչապետի որոշմամբ Նազելի Բաղդասարյանը նշանակվել է ՀՀ Շիրակի մարզպետ։ Այս մասին տեղեկանում ենք կառավարության էլեկտրոնային հարթակից։
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով եւ «Տարածքային կառավարման մասին» օրենքի 6-րդ հոդվածի 1-ին մասով՝ Հայաստանի Հանրապետության կառավարությունը որոշում է.
Նազելի Բաղդասարյանին նշանակել Հայաստանի Հանրապետության Շիրակի մարզպետ»,- նշվում է որոշման մեջ։
Նախորդ ամսվա վերջին նա վայր էր դրել իշխող «Քաղաքացիական պայմանագիր» խմբակցության պատգամավորի մանդատը:
Իսկ նախկին մարզպետ Հովհաննես Հարությունյանը այսօր վարչապետի որոշմամբ նշանակվել է տարածքային կառավարման և ենթակառուցվածքների փոխնախարար:
