Դատարանը մասնակի բավարարեց Առուշ Առուշանյանի պաշտպանների միջնորդությունը
Սյունիքի մարզի ընդհանուր իրավասության դատարանի Գորիսի նստավայրում այսօր կայացած դատական նիստում դատարանը մասնակի բավարարեց Գորիսի նորընտիր համայնքապետ Առուշ Առուշանյանի պաշտպանների միջնորդությունը:
Դատարանը որոշեց թույլատրել Առուշ Առուշանյանի տեսակցությունները մերձավոր ազգականների հետ, միաժամանակ պահպանել հեռախոսազանգերի, հեռախոսային հաղորդակցության արգելքը:
Դատարանը նպատակահարմար չգտավ Առուշ Առուշանյանին «Գորիս» ՔԿՀ տեղափոխելը։
«Ինչ վերաբերում է Առուշ Առուշանյանին «Գորիս» ՔԿՀ տեղափոխելուն, դատարանն այս պահին նպատակահարմար չի գտնում դա՝ հաշվի առնելով նախ նիստերի ինտեսնիվությունը՝ դատարանի ծանրաբեռնվածության հետ կապված: Այսինքն, նիստերն այս փուլում նշանակվում են բավականին երկար ինտերվալով, և այս պահին այդպիսի անհրաժեշտություն չկա, որ Առուշ Առուշանյանի ներկայությունն ապահովելու համար նա գտնվի այն տարածքում, որտեղ գտնվում է դատարանը: Այսինքն, դատարանը որոշեց մերժել «Գորիս» ՔԿՀ տեղափոխելու վերաբերյալ պաշտպանների միջնորդությունը»,- ասաց դատավորը:
