Բայրամովը` Ալիև-Փաշինյան հնարավոր հանդիպման մասին
Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման մասին տեղեկություն չկա, սակայն ապագայում նման հանդիպում չի բացառվում, ասել է Ադրբեջանի արտգործնախարար Ջեյհուն Բայրամովը։ Այս մասին հայտնում է «ՌԻԱ Նովոստին»։
«Նախագահ Իլհամ Ալիևի և Հայաստանի վարչապետ Նիկոլ Փաշինյանի որևէ հանդիպման հետ կապված որևէ տեղեկություն չկա»,- ասել է Բայրամովը։
Միաժամանակ, Ադրբեջանի ԱԳՆ ղեկավարը չի բացառել, որ ապագայում կարող է կայանալ Ադրբեջանի եւ Հայաստանի ղեկավարների հանդիպումը։
Նշենք, որ ավելի վաղ տեղեկություններ էին տարածվել այն մասին, որ սպասվում է հանդիպում, որի ընթացքում նախատեսվում է փաստաթուղթ ստորագրել սահմանազատման և տարածաշրջանային տրանսպորտային հաղորդակցությունների բացման վերաբերյալ։
