«Եթե դուք ուժ կիրառեք, մենք էլ կկիրառենք». լարված իրավիճակ հրապարակում
Այսօր՝ նոյեմբերի 3-ին, զոհված և անհետ կորած զինծառայողների հարազատները բողոքի ակցիա են իրականացնում. նրանք պահանջում են հանդիպում վարչապետի հետ: Այս պահին կորած և զոհված զինծառայողների հարազատները փակել են Տիգրան Մեծ պողոտան: Ոստիկանները փորձում են ազատել փողոցը, սակայն ցուցարարները հրաժարվում են ազատել` ասելով, եթե դուք ուժ կիրառեք, մենք էլ կկիրառենք: Նրանք կոչ են անում բոլոր ծնողներից` փակել իրենց քաղաքների կենտրոնական փողոցները:
