Անհետ կորած զինծառայողների հարազատները կառավարության դիմաց են
Զոհված և անհետ կորած զինծառայողների հարազատներն այս պահին բողոքի ակցիա են իրականացնում կառավարության շենքի դիմաց։ Նրանք հանդիպում են պահանջում ՀՀ վարչապետ Նիկոլ Փաշինյանի հետ։
Հարազատները նաև պահանջում են, որ հանդիպմանը ներկա լինեն այն գերատեսչությունների ներկայացուցիչները, որոնք պարտավոր էին քննել, ուսումնասիրել պատերազմի ընթացքում զինծառայողների զոհվելու, անհետ կորելու և գերեվարվելու հանգամանքները։
«Փաստինֆո»-ի թղթակցի հաղորդմամբ հարազատներից երկուսը հանդիպել են վարչապետի օգնականի հետ, և նրանք խոսակցությունից հասկացել են, որ այսօր վարչապետի հետ հանդիպում տեղի չի ունենա։
