Փաշինյան-Պուտին-Ալիև հանդիպում կկայանա՞ նոյեմբերի 9-ին. կառավարությունից մեկաբանում են
Ըստ ռուսական մամուլում տարածված լուրերի՝ նոյեմբերի 9-ին կկայանա Փաշինյան-Պուտին-Ալիեւ եռակողմ հանդիպումը Ռուսաստանի Սոչի քաղաքում։
Հրապարակը փորձել է տեղեկության վերաբերյալ մեկնաբանություն ստանալ վարչապետի մամուլի խոսնակ Մանե Գեւորգյանից։ Սակայն նա չի պատասխանել զանգերին։
Լրատվականը, սակայն, կապվել է Կառավարության լրատվական վարչության ղեկավար Արմեն Խաչատրյանի հետ: Հարցին՝ նախատեսվա՞ծ է նման հանդիպում, նա ասաց, որ չորեքշաբթի օրը կառավարության հետ հարցուպատասխանի ժամանակ ԱԳ նախարարն ասել է, որ հանդիպում պլանավորված չէ եւ ինքը ոչինչ չունի դրան ավելացնելու։
