Նիդեռլանդներում հաքերը սանիտարական QR-կոդ է ստեղծել Հիտլերի անունով
Նիդեռլանդների իշխանությունները հետաքննում են Ադոլֆ Հիտլերի անունով քովիդ-անցաթղթի համար QR-կոդի կազմումը։ Այս մասին հայտնել է NLTIMES պորտալը, գրում է Известия-ն։
Հետաքննությունն իրականացնում է երկրի առողջապահության նախարարությունը։ Հաղորդվում է, որ լրագրողները ֆորումի միջոցով կապ են հաստատել կիբերհանցագործի հետ։ Վերջինս ասել է, որ ստեղծել է Ադոլֆ Հիտլերի անունով QR-կոդ պոտենցիալ հաճախորդներին ապացուցելու համար, որ կարող է ցանկացած անձի անունով սանիտարական կտրոն տրամադրել 300 եվրոյով։
Բացի դա, հաքերը հայտնել է, որ Ֆրանսիայում և Լեհաստանում գտնվելու ժամանակ արդեն իսկ տրամադրել է կեղծ կոդեր, որոնք հնարավոր է եղել օգտագործել նաև Նիդեռլանդներում:
