Վարանդայում միջազգային օդանավակայան են կառուցել. բացմանը ներկա կլինի նաև Էրդողանը
Թուրքիայի նախագահ Ռեջեփ Թայիփ Էրդողանը հոկտեմբերի 26-ին կմասնակցի Ադրբեջանի կողմից օկուպացված Վարանդայի (Ֆիզուլի) օդանավակայանի բացմանը։
Վարանդայի օդանավակայանի, հիմքը Ալևը դրել էր դեռ հունվարի 14-ին։Առաջին փորձնական թռիչքը դեպի օդանավակայան իրականացվել է օգոստոսի 22-ին։ Թռիչքուղու երկարությունը 3 000 մետր է, լայնությունը ՝ 60։ Տերմինալը կարող է ժամում սպասարկել 200 ուղեւոր:
Ադրբեջանական ԶԼՄ-ները հայտնում են, թե օդանավակայանը կսպասարկի նաև միջազգային չվերթները և կդառնա «պատուհան դեպի աշխարհ»։ Մասնավորապես, օդանավակայանից կարող են օգտվել մի խումբ զբոսաշրջիկներ, որոնք ցանկանում են ուղևորվել հայկական բերդաքաղաք Շուշի։
Ադրբեջանցիներն ակնկալում են, որ օդանավակայանի բացումը կնպաստի տարածաշրջանում զբոսաշրջության և առեւտրի զարգացմանը: Օդանավակայանը գտնվում է Շուշիից մոտ 100 կմ հեռավորության վրա։
Ըստ տեղեկությունների՝ այն կարող է ընդունել նաեւ ռազմական ինքնաթիռներ։
