Քաղաքականություն

Սաակաշվիլիին արյան փոխներարկում են արել

Սաակաշվիլիին արյան փոխներարկում են արել
Վրաստանի նախկին նախագահ Միխեիլ Սաակաշվիլին հացադուլով պայմանավորված վատ ինքնազգացողության պատճառով արյան փոխներարկման կարիք է ունեցել: «ՌԻԱ Նովոստի»-ի փոխանցմամբ՝ այս մասին հայտնել է նրա անձնական…

Վրաստանի նախկին նախագահ Միխեիլ Սաակաշվիլին հացադուլով պայմանավորված վատ ինքնազգացողության պատճառով արյան փոխներարկման կարիք է ունեցել: «ՌԻԱ Նովոստի»-ի փոխանցմամբ՝ այս մասին հայտնել է նրա անձնական բժիշկ Նիկոլազ Կիպշիձեն:

«Նրա մոտ ցուցանիշներից մեկը շատ վատ է, և մենք արյան փոխներարկում ենք արել: Փոխներարկումը լավ է անցել: Մեզ օգնել են բանտի բժիշկները: Դեռևս ամեն ինչ լավ է»,- ասել է բժիշկը:

Նրա խոսքով՝ բանտի բուժկետը նախատեսված չէ նման գործողություններ իրականացնելու համար, և իրենք գործնականում աշխատել են դաշտային պայմաններում: Նրա կարծիքով՝ Սաակաշվիլին հիվանդանոցային բուժման կարիք ունի բանտից դուրս:

Հիշեցնենք, որ Միխեիլ Սաակաշվիլիին ձերբակալել են հոկտեմբերի 1-ին, երբ վերջինս վերադարձել է Վրաստան՝ երկրում հոկտեմբերի 2-ին կայանալիք ՏԻՄ ընտրություններում ընդդիմադիր ուժերին աջակցելու համար: Նախկին նախագահին երկրում հեռակա կարգով դատապարտել էին պատգամավորին ծեծի ենթարկելու և բանկիրի սպանության կազմակերպման համար: Բացի այդ, նրան մեղադրանք է ներկայացվել ևս մի քանի գործով, այդ թվում՝ պետական միջոցները մսխելու, լիազորությունների չարաշահման և երկրի սահմանն ապօրինաբար հատելու համար:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7790) Միջազգային (3467) ԱՄՆ (2325) Ռուսաստան (2171) Իրան (1760) Ընտրություններ (1275) Ուկրաինա (859) Երևան (813) Իսրայել (761) Ադրբեջան (649) Փաշինյան (570) Եվրոպա (522) Ազգային ժողով (463) Ընդդիմություն (455) Թրամփ (437)

Radio Aurora

Լսել Radio Aurora

Գովազդային տարածք

300x250