ՏԵՍԱՆՅՈՒԹ. Ալեք Բոլդուինը ֆիլմի նկարահանման ժամանակ պատահմամբ սպանել է օպերատորին և վիրավորել մեկ այլ մարդու

Հոլիվուդյան դերասան Ալեք Բոլդուինի մասնակցությամբ «Rust» ֆիլմի նկարահանման հրապարակում տեղի ունեցած կրակոցներից 1 մարդ զոհվել է ևս մեկը վիրավորվել: Այս մասին հայտնում է TMZ պորտալը։

Նշվում է, որ դեպքը տեղի է ունեցել Նյու Մեքսիկո նահանգի Սանտա Ֆե քաղաքում՝ Bonanza Creek Ranch ռանչոում, որտեղ Ալեք Բոլդուինը նկարահանվում էր նոր վեսթերնում։ Այն պահին, երբ դերասանները պետք է ինքնաձիգերից կրակ բացեն, պարզվել է, որ զենքը լիցքավորված է մարտական ​​փամփուշտներով։
 

Փամփուշտները դիպել են երկու մարդու՝ ֆիլմի ռեժիսորին և օպերատորին։ Օպերատորը ծանր վնասվածքներ է ստացել և տեղափոխվել հիվանդանոց, որտեղ էլ մահացել է։ Ինքը՝ Ալեք Բոլդուինը, ով դեպքի պահին եղել է կադրում, չի տուժել։
 

Դեռևս հայտնի չէ, թե ինչու է զենքը լիցքավորված եղել մարտական, այլ ոչ թե դատարկ պարկուճներով, դեպքի վայրում աշխատում է շերիֆը, իսկ ֆիլմի նկարահանումները ժամանակավորապես դադարեցված են։