Հյուսիսային Կորեայի՝ բալիստիկ հրթիռների փորձարկումը արտահերթ կքննարկվի ՄԱԿ-ի Անվտանգության խորհրդում
ՄԱԿ-ի Անվտանգության խորհուրդը արտահերթ նիստ կանցկացնի ԿԺԴՀ-ի կողմից վերջերս բալիստիկ հրթիռ արձակելու պատճառով: Այս մասին հայտնում է NHK հեռուստաալիքը:
Նշվում է, որ հանդիպումը կկայանա այսօր ԱՄՆ -ի, Մեծ Բրիտանիայի և Ֆրանսիայի խնդրանքով:
Ավելի վաղ Հյուսիսային Կորեան հաստատել էր, որ երեքշաբթի սուզանավից նոր տիպի բալիստիկ հրթիռ է արձակել: Սա մեկ տարվա ընթացքում ութերորդ խոշոր հրթիռային փորձարկումն էր, որն իրականացրել է Փհենյանը:
