«Գազպրոմ»-ին կպատժեն սանկցիաները խախտելու համար
Միացյալ Նահանգները մտադիր է ռուսական «Գազպրոմ» ընկերությանը պատասխանատվության ենթարկել՝ ամերիկյան սանկցիաները խախտելու համար։ Այս առնչությամբ առաջիկայում համատեղ կաշխատեն ԱՄՆ Կոնգրեսն ու Ֆինանսների նախարարությունը՝ համապատասխան պատժիչ գործիքակազմ մշակելու համար։ Ինչպես հայտնում են միջազգային լրատվականները, այս մասին հայտարարել է ԱՄՆ Ֆինանսների նախարարի տեղակալ Ադեվալե Ադեյեմոն։
ԱՄՆ-ում նման կեցվածք են որդեգրել այն բանից հետո, երբ ամերիկացի սենատորներից մեկը քննադատել էր իշխանություններին, որ հրաժարվում են «Հյուսիսային հոսք -2» գազամուղի օպերատոր ընկերության դեմ սանկցիաների կիրառումից։
