Ղարիբաշվիլին՝ Երևան-Բաքու-Վրաստան հարաբերությունների մասին

Վրաստանի վարչապետ Իրակլի Ղարիբաշվիլին նշել է, որ այցը Հայաստան կարելի է համարել չափազանց արդյունավետ։ Նա նաեւ ասել է, որ Թբիլիսին կշարունակի հանդես գալ որպես միջնորդ՝ Երեւանի եւ Բաքվի միջեւ։ Այս մասին նա խոսել է լրագրողների հետ Բաթումիում կայացած հանդիպման ընթացքում։

Ղարիբաշվիլին ասել է նաեւ, որ ինքն է եղել նախաձեռնողը ռեգիոնում համագործակցություն սկսելու եւ նոր հարթակ ձեւավորելու համար, որի շրջանակում երեք երկրները կսկսեն սերտ համագործակցություն, եւ Վրաստանն էլ այդ ամենում կունենա մեծ դերակատարություն։

«Մենք հունիսին միջնորդական առաքելության հաջող նախադեպ ստեղծեցինք, երբ շնորհիվ իմ անմիջական ջանքերի, եւ, բնականաբար, Հայաստանի եւ Ադրբեջանի ղեկավարների պայմանավորվածությունների, հնարավոր եղավ ազատել գերիների եւ Ադրբեջանին փոխանցել քարտեզներ»,- ասդել է Վրաստանի վարչապետը։