Օրվա լրահոս

Իշխող թիմը պարտավոր է հետևել, որ ընտրություններն անցնեն օրենքի սահմաններում, այս պահին մեր ունեցած տեղեկություններով՝ ամեն ինչ օրենքի սահմաններում է: Այս մասին այսօր լրագրողների հետ զրույցում ասաց Գյումրու քաղաքապետի ՔՊ-ական թեկնածու,, Շիրակի մարզպետ Հովհաննես Հարությունյանը:

Արձագանքելով ահազանգերին, որ ՔՊ թեկնածուն ընտրություններից առաջ 50 հազարական դրամներ է բաժանել քաղաքացիներին՝Հովհաննես Հարությունյանը չհերքեց, սակայն պարզաբանեց, թե դրանք սոցիալական աջակցություններն են, որոնք կապ չունեն ընտրությունների հետ:

Հարցին, թե նախընտրական քարոզչության ժամանակ գումար բաժանելը վարչական ռեսուրս չի՞ համարվում, ՔՊ-ական թեկնածուն ասաց. «Իհարկե՝ ոչ, 30 տարի մարդիկ ապրելու խնդիր են ունեցել ու շատ մարդիկ միշտ դիմել են, դիմումներ են գրել ու աջակցություններ են ստացել: Թող մարդիկ մտածեին 30 տարի էդ մարդկանց սոված չթողնեին, ապրելու միջոց տային, և հիմա նման բաներ չասեին»:

Դիտարկմանը, որ երբ Սյունիքի համայնքապետերը աջակցություն տրամադրեցին, դա որպես կաշառք դիտարկվեց, Հովհաննես Հարությունյանն արձագանքեց.

«Բացարձակ նման դեպքեր չեն, իմ ասածը շարունակական գործընթաց է: Դա աշխատանքային պրոցես է, մարզպետի գործառույթն է և բացարձակ կապ չունի ընտրությունների հետ»:

Վերջին նորություններ