Բաքվում ահաբեկիչներին զենք մատակարարելու մասին հոդված գրող լրագրողը հեռացվել է աշխատանքից
Բուլղարական «Տրուդ» թերթի լրագրող Դիլիանա Գայտանջիևան, ով ադրբեջանական պետական ավիաընկերության կողմից ահաբեկիչներին զենք մատակարարելու վերաբերյալ հրապարակման հեղինակ է, ազատվել է աշխատանքից:
Այս մասին Գայտանջիեւան գրել է ֆեյսբուքի իր էջում:
«Այսօր, երբ ես հարցաքննվեցի Ազգային անվտանգության գործակալության կողմից գաղտնի փաստաթղթերի վերաբերյալ, որոնք նշում էին Սիրիայում ահաբեկիչներին զենք մատակարարելը, ես ազատվեցի աշխատանքից: Մի քանի օրից ստիպված եղա վերադառնալ Սիրիա` աշխատանքս շարունակելու համար»,-գրել է Գայտանջիեւան:
Լրագրողը չի բացառել, որ աղմկահարույց հրապարակումը կարող է հանվել նաեւ հրապարակման էջերից:
Հուլիսի սկզբին Trud թերթը գրել էր, որ Ադրբեջանի Silk Way Airlines պետական ավիաընկերությունը կատարել է զենքի 350 առաքում: Ամեն անգամ, դիվանագիտական ծածկույթի ներքո, տասնյակ տոննա զենք էր առաքվում, այդ թվում ՝ Սիրիայում արմատական իսլամիստների համար:
Հրապարակված փաստաթղթերում խոսվում էր նաև սպիտակ ֆոսֆոր «դիվանագիտական փոստով» առաքելու մասին, որը Բաքուն օգտագործում էր Արցախում կեղծիքների համար:
«2016 թվականին Ադրբեջանը Հայաստանին մեղադրեց սպիտակ ֆոսֆոր օգտագործելու մեջ: Հայաստանը հերքեց մեղադրանքները և հայտարարեց կեղծիքի մասին, քանի որ հաստատումը հիմնված էր միայն մեկ չպայթած հրթիռի վրա, որը գտել էին ադրբեջանցի զինվորները: Դատելով Բուլղարիայում Ադրբեջանի դեսպանատան փաստաթղթերից՝ սպիտակ ֆոսֆորով զինամթերք Ադրբեջանին է հանձնվել 2015 թվականին »,-նշվում է հրապարակման մեջ:
Ավելի վաղ հայտնի էր դարձել, որ Բուլղարիայում Ադրբեջանի դեսպանատան գաղտնի փաստաթղթերը ցույց են տալիս Սիրիայում «ԴԱԻՇ» ահաբեկիչներին զենքի փոխանցումը։
