Թալիբները խոստանում են՝ աղջիկները դպրոց կհաճախեն
Արմատական «Թալիբան» շարժումը խոստացել է շուտով թույլ տալ Աֆղանստանում աղջիկներին հաճախել միջնակարգ դպրոցներ: Ինչպես հաղորդել է Associated Press լրատվական գործակալությունը, այդ մասին ՄԱԿ-ի կենտրոնակայանում լրագրողներին հայտնել է ՅՈՒՆԻՍԵՖ-ի գործադիր տնօրենի տեղակալ Օմար Աբդին, որն անցյալ շաբաթ այցելել էր Քաբուլ. փոխանցել է ՏԱՍՍ-ը:
Աբդին նաեւ նշել է, որ Աֆղանստանի 34 նահանգներից հինգը` Բալխը, Ջաուզջանը, Սամանգանը, Քունդուզը և Ուրուզգանը, արդեն թույլատրել են աղջիկներին միջնակարգ դպրոց հաճախել:
