Ինչու՞ է Ադրբեջանը կրկին դիմել սադրանքների

Ադրբեջան Պոստվակտում տելեգրամյան ալիքն անդրադարձել է Արցախում սահմանային իրավիճակին և երեկ տեղի ունեցած սահմանային միջադեպին։ 

Հրապարակման մեջ մասնավորապես նշվում է. 
 

«Ինչու՞ է Ադրբեջանը կրկին դիմել սադրանքների։ Կարելի է առանձնացնել մի քանի պատճառներ՝

⁃ Սա առաջին հերթին ուղղված է Ռուսական խաղաղապահ ուժերի մանդատը վարկաբեկելուն, որի միջոցով պարարտ հող է ձևավորվում այն չվավերացնելու և հետագայում Արցախից դուրս բերելու համար: Ասվածի վկայությունն է Ադրբեջանի պաշտպանության նախարարության պաշտոնական հաղորդագրությունը, որում, իհարկե, մեղքը կրկին բարդվում է հայերի վրա, բայց ուշագրավ են առկա ձևակերպումները: «Ադրբեջանում, որտեղ ժամանակավորապես տեղակայված են ռուս խաղաղապահներ, հայկական ապօրինի զինված կազմավորումների միջև փոխհրաձգություն է տեղի ունեցել...»:

⁃ Հաագայում այսօր տեղի ունեցած դատալսումներն ակնհայտորեն ոչ բարենպաստ էին ադրբեջանական կողմի համար: Ավելին, ԱՊՀ արտգործնախարարների հանդիպումը ևս բավականին թեժ է անցել:

⁃ Երեկ ու դրանից մեկ օր առաջ ադրբեջանական դիրքերում վիճաբանություն է տեղի ունեցել, հնչել են կրակոցներ, որոնց արդյունքում զոհվել են ադրբեջանական 2 զինծառայողներ: Իհարկե, նրանց թաքցնել հնարավոր չէր, ուստի և անհրաժեշտ էր թեթևակի սադրանք՝ այդ զոհերի մեղքը բարդելով հայերի վրա»: