ԱՄՆ-ում միլիոնատերը ցմահ ազատազրկվել է 21 տարի առաջ կատարված սպանության մասին սխալմամբ խոսելուց հետո

Ամերիկացի միլիոնատեր Ռոբերտ Դարստը ցմահ ազատազրկման է դատապարտվել 21 տարվա վաղեմության սպանության համար: Այս մասին հայտնում է The Los Angeles Times- ը:

Նշվում է, որ այս տարվա սեպտեմբերին դատարանը 78-ամյա մագնատին մեղավոր է ճանաչել 21 տարի առաջ իր մտերիմներից մեկի սպանության համար:

2015 -ին՝ վավերագրական սերիալի նկարահանումների ժամանակ, Դարստը պատահաբար ասել էր, որ մի քանի սպանություն է կատարել, ինչը հետաքննության առիթ էր դարձել: Նույն տարվա մարտին Դարստը ձերբակալվել էր: