Ականազերծման համար Ֆրանսիան Ադրբեջանին գումար կհատկացնի
Ադրբեջանական մամուլում հայտնված հրապարակումների համաձայն, Բաքու է ժամանել Ֆրանսիայի հակահետևակային ականների ոչնչացման Ազգային հանձնաժողովի պատվիրակությունը։ Այցի նպատակը Ադրբեջանի և Ֆրանսիայի միջև ականզերծման աշխատանքների իրականացման հարցի քննարկումն է, «ականներից տուժածներին օգնության ցուցաբերումը»։
Ըստ պաշտոնական հաղորդագրության, Ֆրանսիան Ադրբեջանին կհատկացնի կես միլիոն եվրո, որը կծախսվի 44-օրյա պատերազմի հետեւանքով Ադրբեջանի հսկողության տակ անցած Ղարաբաղի տարածքների ականազերծումն իրականացնելու վրա։
