Թուրքիայում իրանական լրտեսական ցանց է բացահայտվել, կան ձերբակալվածներ

Թուրքիայի արևելքում գտնվող Վան նահանգում իրանական լրտեսական ցանց է բացահայտվել։ Այս մասին հայտնում է mk.ru-ն՝ հղում տալով «Anadolu»–ին։

Ըստ երկրի անվտանգության ծառայությունում թուրքական գործակալության աղբյուրների՝ Թուրքիայի ազգային հետախուզական կազմակերպության և ոստիկանության իրականացրած հատուկ գործողությունների արդյունքում 8 մարդ է ձերբակալվել, որոնց թվում Իրանի հատուկ ծառայությունների 2 գործակալներ կան։

Հաղորդվում է, որ խմբավորման անդամները ձերբակալվել են սեպտեմբերի 24-ին՝ իրանցի նախկին զինվորական Մ.Ա.-ին առևանգելու և մեքենայով բռնությամբ հայրենիք ուղարկելու փորձի համար: