Օրվա լրահոս

Միգրացիոն ծառայության պետ Արմեն Ղազարյանն այսօր մասնակցել է ՄԱԿ-ի միգրացիայի միջազգային կազմակերպության (ՄՄԿ) միջազգային միգրացիոն երկխոսություններին՝ հետևյալ թեմայով․ «Արձագանքելով ճգնաժամերին ՔՈՎԻԴ-19-ի պայմաններում»։


Իր խոսքում Ղազարյանն անդրադարձել է համավարակի հետևանքով ստեղծված գլոբալ պատկերին և համավարակի ազդեցությանը միգրացիոն գործընթացների վրա։

ՄԾ պետը, որպես մարտահրավեր, անդրադարձ է կատարել նաև նախորդ՝ համավարակի տարում Ադրբեջանի կողմից սանձազերծված պատերազմին և դրա ծանր հետևանքներին՝ նշելով Արցախից տեղահանված ավելի քան 90 հազար անձանց փաստը՝ մասնավորեցնելով, որ նրանց 88 տոկոսը կանայք և երեխաներ են։


«Եզրափակելով ցանկանում եմ նշել, որ Հայաստանի կառավարությունն արել է հնարավոր ամեն բան աջակցելու ՔՈՎԻԴ-19-ի պայմաններում տեղահանված և խոցելի բնակցությանը։ Այս դժվարին իրավիճակը հաղթահարելու գործում մենք ապավինում են նաև միջազգային համերաշխությանն և փոխադարձ աջակցությանը»,- գրել է Արմեն Ղազարյանը ֆեյսբուքյան իր էջում։

Վերջին նորություններ