Արարատ Միրզոյանը մանրամասնել է` ինչ են քննարկել Բայրամովի հետ և ինչ պայմանավորվածություններ կան
ՄԱԿ–ում պայմանավորվածություն է ձեռք բերվել նաև առաջիկայում հանդիպումները շարունակել Ադրբեջանի և Հայաստանի ԱԳ նախարարների հանդիպումները: Այս մասին մամուլի ասուլիսում հայտարարեց Արարատ Միրզոյանը։
«Հանդիպումներ նախատեսվում են։ Առնվազն` պայմանավորվածություն է ձեռք բերվել գործընթացը շարունակելու ու նոր հանդիպում կազմակերպելու»,– ասաց Միրզոյանը։
ՀՀ ԱԳ նախարարը հայտնեց, որ պայմանավորվածություն է ձեռք բերվել նաև առաջիկայում ԵԱՀԿ ՄԽ համանախագահների` տարածաշրջան այցելելու վերաբերյալ։
ԱԳ նախարարը նշեց, որ ադրբեջանցի պաշտոնակցի հետ հանդիպման ընթացքում քննարկել են նաև հումանիտար հարցեր, մասնավորապես` գերիների ազատ արձակման, անհետ կորած զինվորների ու քաղաքացիական անձանց ճակատագրի պարզաբանման վերաբերյալ, ինչպես նաև մշակութային հուշարձանների մատչելիության հարցերը։
Հիշեցնենք` սեպտեմբերի 23-ին ՄԱԿ-ի Գլխավոր վեհաժողովի 76-րդ նստաշրջանի շրջանակում տեղի է ունեցել Հայաստանի և Ադրբեջանի արտաքին գործերի նախարարներ Արարատ Միրզոյանի և Ջեյհուն Բայրամովի հանդիպումը ԵԱՀԿ Մինսկի խմբի համանախագահների մասնակցությամբ:
