Վրաստանում վարակվածների թիվն ավելանում է, պատվաստման տեմպերը՝ նվազում. Aliq Media

Հոկտեմբերի սկզբից օրական պատվաստումների ցուցանիշը նվազել է, այն չի հասնում 10.000-ի, մինչդեռ Հիվանդությունների վերահսկման ազգային կենտրոնը և Առողջապահության նախարարությունն անհրաժեշտ են համարել օրական մինչև 30,000 պատվաստում: Այս մասին հայտնում է Aliq Media-ն։

Վրաստանում պատվաստման գործընթացը սկսվել է մարտի 15-ին: Մինչ օրս կատարվել է 1,874,845 պատվաստում: Առնվազն մեկ դեղաչափով պատվաստվել է 1.000.785 մարդ, կամ չափահաս բնակչության 35.2%-ը: Լիովին պատվաստվել է 874 060 մարդ, կամ չափահաս բնակչության 30,6% -ը:

Առաջին փուլում Հիվանդությունների վերահսկման ազգային կենտրոնը և Առողջապահության նախարարությունը անհրաժեշտ էին համարել պատվաստումային նպատակին հասնելու համար պատվաստել չափահաս բնակչության առնվազն 60%-ին։ Ըստ կենտրոնի տնօրեն Ամիրան Գամկրելիձեի՝ սակայն, կորոնավիրուսի ավելի բարդ և վարակիչ «դելտա» տարբերակի լայն տարածման պատճառով 60%-ի փոխարեն պետք է պատվաստվի բնակչության 80%-ը։
 

Գամկրելիձեի խոսքերով ՝ փաստ է, որ վերջին 5-6 օրերի ընթացքում կորոնավիրուսով վարակվածների թիվը կտրուկ ավելանում է:

Վրաստանում պատվաստումն իրականացվում է կամավոր սկզբունքով՝ անվճար։