Lego-ն կդադարի տարբերակել «տղաների» և «աղջիկների» համար նախատեսված խաղալիքները
Lego-ն կդադարի իր արտադրանքը բաժանել «տղաների» և «աղջիկների» համար նախատեսված խաղալիքների: Այս մասին գրում է Gazeta.ru-ն՝ հղում տալով ընկերության հայտարարությանը:
Նշվում է, որ ընկերությունը ծրագրում է դառնալ առավել ներառական և հեռանալ գենդերային կարծրատիպերից:
Այս որոշումը կայացնելուց առաջ Lego-ն հետազոտություն է անցկացրել, որին մասնակցել են յոթ հազար ծնողներ և երեխաներ Չինաստանում, Ճապոնիայում, Ռուսաստանում, ԱՄՆ -ում և այլ երկրներում: Պարզվել է, որ վաղ տարիքի երեխաները պատրաստ են խաղալ ցանկացած խաղ, բայց մեծանալուն զուգահեռ իրենց սկսում են կաշկանդել գենդերային կարծրատիպերը:
