Ինչ սահմանափակումներ է մտցրել Ադրբեջանը՝ պատասխանելով Իրանին

Ադրբեջասնում փակվել է Հուսեյնիե մզկիթը։ Այս մասին հայտարարել է Ադրբեջանի ՆԳ նախարարության մամուլի ծառայության ղեկավար Էսխան Զախիդովը։ 

Ըստ նրա, պատճառը կորոնավիրուսային համավարակն է։ Բանն այն է, որ վերջին մի քանի օրերին Բաքվի որոշ շրջաններում նկատվում է կորոնավիրուսային հիվանդությամբ վարակվածների թվի նկատելի աճ։ Նշենք, որ Հուսեյնիե մզկիթում է գտնվում նաև Ադրբեջանում Իրանի գերագույն հոգեւոր առաջնորդի գրասենյակը։ Ուշագրավ է այն, որ այդ համաճարակային ստուգումն ու մզկիթի, ինչպես նաև Իրանի գերագույն կրոնապետ Սեյեդ Ալի Խամենեիի ադրբեջանական ներկայացուցչության՝ Օջագա Նեջաթայի գրասենյակի փակումը տեղի է ունեցել հենց այսօր, երբ հայտնի դարձավ, որ Իրանն արգելել է Ադրբեջանին օգտագործել իր օդային տարածքը՝ դեպի Նախիջեւան ռազմական նշանակության բեռներ փոխադրելու եւ ռազմական ինքնաթիռների թռիչքների համար։